රනිල් ඔස්ට්‍රේලියාවට . . .

හත්වන ඉන්දීය සාගර සමුළුවට සහභාගී වීම සඳහා ජනාධිපති රනිල් වික්‍රමසිංහ අද (පෙබ. 8) අලුයම ඔස්ට්‍රේලියාව බලා පිටත්ව ගොස් තිබේ.

මෙම සමුළුව හෙට (පෙබ. 9) සිට අනිද්දා (පෙබ. 10) දක්වා ඔස්ට්‍රේලියාවේ පර්ත් නුවර පැවැත්වීමට නියමිත ය.

ඉන්දීය පදනම සහ ඔස්ට්‍රේලියානු රජයේ ආරාධනාව අනුව ජනාධිපතිවරයා එසේ පිටත්ව ගොස් ඇත.

ජනාධිපතිවරයා සමග දූත පිරිසක් ද පිටත්ව ගොස් ඇති අතර ඔවුන් අද අලුයම 12:45ට සිංගප්පූරු ගුවන් සේවයේ එස්.කිව්.- 469 දරන ගුවන් යානයෙන් කටුනායක ගුවන් තොටුපොළෙන් පළමුව සිංගප්පූරු ගුවන් තොටුපොළ වෙත පිටත්ව ගොස් එතැන් සිට ඔස්ට්‍රේලියාව වෙත යාමට නියමිත ය.

•  T.K.G. Kapila-Katunayaka