ජනමාධ්‍ය ඇමති බන්දුල ගුණවර්ධන විසින් හොර රහසේ ම කැබිනට් මණ්ඩලයට ඉදිරිපත් කර සම්මත කර ගෙන ඇති යෝජනාවක් අනුව රූපවාහිනි සංස්ථාව සහ ගුවන් විදුලි සංස්ථාව විසිරුවා හැරීමට සූදානම් බව අනාවරණය වී තිබේ.
රාජ්‍ය ව්‍යවසායන් ප්‍රතිව්‍යූහගත කිරීමේ කමිටුව ලබා දුන් උපදෙස් අනුව අදාළ කැබිනට් සංදේශය ඉදිරිපත් කර සම්මත කර ගෙන ඇති බව දේශය පුවත්පත හෙළිකර ඇත.
ඒ අනුව ශ්‍රී ලංකා රූපවාහිනී සංස්ථාව සහ ශ්‍රී ලංකා ගුවන් විදුලි සංස්ථාව ඒකාබද්ධ කර වෙනම සමාගමක් පිහිටුවීමට ද අදාළ කැබිනට් සංදේශයෙන් අනුමැතිය ලබා ගෙන ඇත. ශ්‍රී ලංකා රූපවාහිනි සංස්ථාව රුපියල් කෝටි 130ක් සහ ගුවන් විදුලි සංස්ථාව රුපියල් කෝටි 80ක් ණය වී තිබීම හේතු කොට ගෙන මෙම ක්‍රියාමාර්ගය අනුගමනය කරන බව වැඩි දුරටත් හෙළිකර තිබේ.
- lankatruth
Janamina Sri Lanka Rupee Exchange Rate