නේපාලයේ කත්මණ්ඩු අගනුවරට කිලෝමීටර් 500ක් පමණ දුරින් පිහිටි ජජාර්කොට් දිස්ත්‍රික්කයේ පසුගියදා සිදු වූ රිච්ටර් මාපකයේ 6.4ක ප්‍රබල භූ කම්පනයෙන් පුද්ගලයන් 157 දෙනකු ජීවිතක්ෂයට පත්වී ඇතැයි විදෙස් මාධ්‍ය වාර්තා කළේය. වසර 2015ට පසු නේපාලයේ සිදු වූ දරුණුතම භූ කම්පනය මෙය බව ද වාර්තා වේ. භූ කම්පනයෙන් නිවාස සහ ගොඩැගිලි රැසක් බිමට සමතලා වී ඇති අතර, තුවාල ලැබූ 160කට වැඩි පුද්ගලයන් පිරිසක් රෝහල්ගතකර ඇතැයි ද විදෙස් මාධ්‍ය වැඩිදුරටත් වාර්තා කළේය.
භූ කම්පනයෙන් පසු තවත් සුළු කම්පනයන් කිහිපයක්ම වාර්තා වී ඇති අතර, බියට පත් ජනතාව නිවාසවලින් පිටවී එළිමහන් ස්ථානවල කල්ගත කරමින් සිටින බව විදෙස් මාධ්‍ය සඳහන් කළේය. එරට ග්‍රාමීය කඳුකර පළාතක මේ භූ කම්පනය සිදුවී ඇති බවත්, බිඳ වැටුණු නිවාස සහ ගොඩනැගිලිවලට සිර වූ පුද්ගලයන් සොයා මෙහෙයුමක් ආරම්භ කර ඇති බවත් වැඩිදුරටත් වාර්තා වේ. එහෙත් එම ස්ථානවලට ළඟාවීම දුෂ්කර වී ඇති බැවින් මෙහෙයුම් අඩාල වී ඇති අතර, මාර්ග රැසක් ද පස්වලින් යට වී ඇතැයි සඳහන් වේ.
- dinamina
Janamina Sri Lanka Rupee Exchange Rate