සජිත් ජනාධිපති කර මාත් පාර්ලිමේන්තු යනවා . . .

හිටපු ජනාධිපති ගෝඨාභය රාජපක්ෂ ට සහයෝගය ලබාදුන් පුද්ගලයකු ලෙස තමන් ඒ පිළිබඳව ජනතාවගෙන් සමාව ඉල්ලා සිටින බව හිටපු යුද හමුදාපති සමගි ජන බලවේගය ප්‍රතිපත්ති සම්පාදක ප්‍රධානී ජනරාල් දයා රත්නායක සඳහන් කරයි.

ගෝඨාභය රාජපක්ෂ අතීතයේ දී දක්ෂයකු බව ඔප්පු කර තිබුණද ජනාධිපති වූ පසු අඩුපාඩු සිදුවූ බවද හෙතෙම පෙන්වා දෙයි.

කෙසේ වෙතත් ගෝඨාභය රාජපක්ෂ හොරෙක් හෝ වංචාකාරයෙකු යයි තමන් කිසිසේත්ම විශ්වාස නොකරන බවද හෙතෙම පැවසුවේය.

සජිත් ප්‍රේමදාස ජනාධිපතිවරයා බවට පත්කොට පැත්තකට වී නොසිට පාර්ලිමේන්තු ගොස් වගකීම් දරමින් රට නිවැරදි මාවකට යොමු කරන බවද හෙතෙම තවදුරටත් සඳහන් කළේය.

රූපවාහිනී නාලිකාවක් සමඟ සාකච්ඡාවට එක්වෙමින් ඔහු මෙම අදහස් පල කරන ලදී.

•  lanka C news