අපරාධකරුවන් රටින් තුරන් කිරීම පවක් නොවෙයි . . .

රට විනාශ කරන මත්ද්‍රව්‍ය ජාවාරම්කරුවන්, පාතලයන් මෙරටින් තුරන් කිරීම පවක් නොවන බව මහජන ආරක්ෂක අමාත්‍ය ටිරාන් අලස් පවසයි.

විශේෂ කාර්ය බලකා යතුරු පැදි කණ්ඩායම් වලට සමගාමීව ක්‍රියාත්මකවීම සදහා විශේෂ කාර්ය බලකා විශේෂ පුහුණුව ලත් පොලිස් නිලධාරීන් 100ක ගෙන් සමන්විත යතුරු පැදි කණ්ඩායම් 50 ක් අද (25) දින කටුකුරුන්ද විශේෂ බලකා පුහුණු කදවුරේ සති 02ක පුහුණුව සාර්ථකව අවසන් කර විසිරයැමේ උත්සවය අමතමින් අමාත්‍යවරයා මේ බව පැවසීය.

එහිදී වැඩි දුරටත් අදහස් දැක්වූ මහජන ආරක්ෂක අමාත්‍ය ටිරාන් අලස් මෙලෙස අදහස් දැක්වීය ,

ශ්‍රී ලංකා පොලිසියට මේ රටේ ලොකු වැඩකොටසක් කරන්න පුළුවන්. යුක්තිය මෙහෙයුම පටන් ගන්න හේතුව අපේ රට කුඩුවලින් හා පාතාලයන්ගෙන් බේරා ගැනීමට. සියලුමදෙනාගෙන් ඉල්ලා සිටින්නේ බය නැතිව යායුතු ඉලක්කයට යන්න. ඔ්නෑම හදිසි වේලාවක තමන්ගේ අතේ තිබෙන ගිනිඅවිය පාවිච්චි කරන්න සිදුවෙනවා නම් හරිදේට එය පාවිච්චි කරන්න. අපි ඔබලා වෙනුවෙන් පෙනී සිටිනවා. වැරදි දේවල් කරන අයට විරුද්ධව තදින් ක්‍රියාත්මක කරන්න.

• aruna