ඉන්දියාවේ දිල්ලි අගනුවර ඊයේ (03) ඝන විෂ සහිත දුමාරයකින් වැසී ගොස් තිබූ අතර, වාතයේ ගුණාත්මක තත්ත්වය නරක අතට හැරී ඇති බවයි විදෙස් මාධ්‍ය වාර්තා කර ඇත්තේ.
නගරයේ වායු තත්ත්ව දර්ශකය ආසන්න වශයෙන් ඒකකය 500ට ළඟා වී තිබූ අතර දිල්ලි අවට පාසල් වසා දමා අත්‍යවශ්‍ය නොවන ඉදිකිරීම් තහනම් කිරීමට දිල්ලි බලධාරින් කටයුතු කර තිබේ.
එවන් තත්ත්වයක් යටතේ, ලෝක කුසලාන ක්‍රිකට් තරගාවලියේ ශ්‍රී ලංකා කණ්ඩායම මුහුණ දීමට නියමිත මීළඟ තරගය පැවැත්වීමට නියමිත ව ඇත්තේ දිල්ලියේ අරුන් ජෙට්ලි ක්‍රීඩාංගණයේ යි. ඒ බංග්ලාදේශ කණ්ඩායමත් සමගයි.
එම තරගය සඳහා වන ශ්‍රී ලංකා කණ්ඩායමේ පළමු පුහුණු සැසිය ඊයේ පස්වරුවේ පැවැත් වීමට නියමිත වූවත්, දිල්ලියේ පවත්නා වායු තත්ත්වයේ අහිතකරභාවය සැලකිල්ලට ගෙන කළමණාකාරිත්වය තීරණය කර තිබුණේ එම පුහුණු සැසිය අද (04) පැවැත්වීමටයි.
- aruna
Janamina Sri Lanka Rupee Exchange Rate